Chegan tempos decisivos

A obstinada política de "vitimismo viguista" do PP local que tantos apoios recolle vai ter o seu acto definitivo coa presentación no pleno do Concello dun PXOM reformado presumiblemente sen cumplir os requisitos expostos na orde de paralización. Á política de conflicto de competencias que veu seguindo a coalición urbanística PP-BNG co apoio técnico-político -tan ben retribuido- de Consultora Galega, parece seguir agora unha manobra donde aparentemente se di que hai cambios donde non os hai. Iso é o que podemos deducir das informacións cruzadas estes últimos dias.
A saúde democrática da cidade esixe un esforzo de transparencia. Para empezar C. Porro debería gastar parte desas inxentes sumas coas que alimenta ós medios locais na publicación dun cadernillo informativo donde explicara que cambios se fan e cales se esixian. Sería unha tranquilidade para os veciños por un doble motivo: xustificaría por unha vez as cantidades invertidas en propaganda e teríamos coñecemento documental do traballo realizado.
En segundo lugar, se é certo que os cambios son da magnitude dos esixidos na orde da Consellería, o concello debería realizar unha nova exposición pública e un novo periodo de alegacións tal e como veñen esixindo diferentes colectivos veciñais. As garantías do proceso co respecto ós dereitos dos veciños xustificarían dabondo o retraso.
En terceiro lugar, dada a proximidade das eleccións locais conviría que tódalas forzas políticas adiaran a aprobación do Plan ata contar cun veredicto das urnas. A campaña debería enfrontar os diversos modelos de cidade e non simplificar a cuestión en acusacións de procedemento. Xa sabemos que C. Porro seguindo a técnica do seu partido, prefire facer ruido botándolle a culpa ó "inimigo exterior" e agachando desta maneira o seu fracaso para gobernar sen maioría.
Non é o caso do BNG. Santiago Domínguez debe demostrar que a renovación no seu partido é algo maís que un relevo de caras. As próximas decisións que tome o seu grupo municipal van demostrar se segue refén dos compromisos de Toba ou de verdade quere abrir un periodo novo loitando , como dí o seu lider Quintana, por un urbanismo libre de sospeitas, sostible e contrario á especulación. Non hai terceiras vias nen pactos de "punto final" que tapen o pasado. A non aprobación no pleno do plan que de seguro presentará Corina, tranquilizaría á proxima lexislatura e permitiría a visualización dunha alternativa de goberno que de outra maneira non é críble.
Chegan tempos decisivos, Santiago. Ti tes a palabra. Non te escondas.