Plan E 2010: Abel Caballero pretende enganar ao Goberno Español

A maior parte dos proxectos presentados polo Alcalde de Vigo ao Plan E 2010 poden ser rexeitados polo Ministerio e perderse as millonarias axudas estatais
O Real Decreto-lei 13/2009, de 26 de outubro, polo que se crea o Fondo Estatal para o Emprego e la Sostibilidade Local recolle no seu artigo 9, Tipos de obras, equipamento e ou tras inversións financiables, unha serie de ámbitos de actuación -que recollemos ao remate desta entrada- que exclúen a urbanización de rúas e espazos urbanos. Por se as cousas non quedaban claras con esa relación de ámbitos, o Decreto, prohibe expresamente "os contratos que teñan por obxecto obras de mellora das redes viarias e de adecuación, rehabilitación ou rexeneración de contornos e espazos públicos urbanos", ao permitir estas obras soamente en municipios cunha poboación menor a 2.000 habitantes.
Sen embargo, Abel Caballero e o bi-goberno PSOE da cidade de Vigo, decide presentar novamente para seren financiadas con este plan, obras de reurbanización (eufemísticamente chamadas "de humanización") de diversas rúas da cidade, tal e como recollen na súa edición de hoxe tanto La Voz de Galicia como Faro de Vigo.
Parece que Abel Caballero non escarmentou daquela -coa súa xa habitual prepotencia- cando a presentación dun proxecto inaxeitado para o Plan Urban 2009 conlevou a perda desta importante subvención Europea ao non considerar a Administración Central elixible o pseudoproxecto redactado por unha empresa afín á UGT por encargo do bi-alcalde de Vigo. Novamente, de xeito completamente irresponsable e irrespetuoso coas institucións do Estado, Caballero tírase á piscina facendo unha absurda e infantil lectura do decreto de convocatoria do Plan E 2010 e inclue obras claramente, por máis voltas que lle dea, inelixibles á luz do Real Decreto de convocatoria.
De consumarse o despropósito de presentar a esta millonaria convocatoria de axudas estatais os proxectos anunciados hoxe, consistentes en refacer beirarrúas, é máis que probable que o Ministerio de Política Territorial rexeite os proxectos municipais e Vigo perda este transcendental fondo estatal. Agás que os responsables ministeriais sexan tan imbéciles e irresputuosos coa legalidade como Abel Caballero cré.
Resulta ademais incríble que novamente se pretenda utilizar estes fondos para investimentos improductivos, de puro maquillaxe e taxidermismo, mentres, por exemplo, non se acometen as imprescindibles obras de  saneamento que impidan os vertidos directos ao mar nos aliviadeiros ilegais da rede municipal de sumidoiros no Areal, Náutico, Beiramar, Bouzas e Alcabre que están na base da grave contaminación que sofre a nosa ría e do expediente sancionador da Unión Europea. Caballero continúa así a vella e deleznable práctica do goberno de Castrilllo e Corina Porro de non facer actuacións "que non se vexan".

Se cadra, o alcalde, rodeado de incompetentes bailándolle a auga, cré que o mundo da administración do Estado está formado pola mesma calaña de inútiles loubadores que lle asesoran. Se cadra o alcalde pensa que estamos nun Esado no que o principio de legalidade está por debaixo de supostas influenzas políticas na Corte dun que seica foi ministro.

Actuacións elixibles para seren financiadas polo Estado dentro do Plan-E segundo o Real Decreto-Lei 13/2009:

a) Las destinadas a la promoción de la actividad económica, la iniciativa emprendedora y la innovación, como parques empresariales, parques científicos y tecnológicos, centros de conocimiento y viveros de empresa, así como su dotación de infraestructuras para el despliegue y acceso a las redes de telecomunicación de nueva generación.

b) Las de creación, equipamiento y desarrollo de infraestructuras tecnológicas y de innovación.

c) Las destinadas a mejorar el acceso a las redes e infraestructuras de las tecnologías de la información y de las telecomunicaciones fijas y móviles, y a su utilización.

d) Las destinadas a impulsar el ahorro y la eficiencia energética, así como la accesibilidad y utilización de energías renovables.

e) Las dirigidas a promover la movilidad sostenible urbana y reforzar los modos de transporte menos contaminante, incluyendo sistemas de información de gestión automática y control, y las encaminadas a mejorar la seguridad vial.

f) Las destinadas a impulsar el ahorro y la eficiencia en la gestión de los recursos hídricos. Construcción, adecuación o mejora de la red de abastecimiento de agua potable a domicilio, de saneamiento y de infraestructuras de depuración de aguas residuales.

g) Las relacionadas con la gestión y tratamiento de los residuos urbanos con criterios de sostenibilidad.

h) Las destinadas a la recuperación y conservación de áreas naturales y masas forestales.

i) Las de prevención y detección de incendios y la limpieza y conservación de las masas forestales, zonas de especial relevancia natural y bosques de ribera.

j) La construcción, adecuación, rehabilitación o mejora de centros educativos.

k) La adecuación, rehabilitación o mejora de edificios de propiedad municipal para la atención a personas en situación de dependencia, así como la supresión de barreras arquitectónicas y mejora de la accesibilidad.

l) La construcción, adecuación, rehabilitación o mejora de centros de servicios sociales, sanitarios, culturales y deportivos.

m) Las de protección y conservación del patrimonio histórico y paisajístico municipal.

n) Las destinadas a la modernización de la Administración municipal mediante el establecimiento de procesos de gestión documental, digitalización y acceso a redes de comunicación de alta velocidad, fijas y móviles, con especial consideración para aquellos procesos de modernización tecnológica que tengan como objetivo dar cumplimiento al mandato de la Ley 11/2007, de 22 de junio, de acceso electrónico de los ciudadanos a los servicios públicos.

Continúa o ilegal vertido de entullos en Candeán

A Asociación ecoloxista ADEGA remítenos para a súa publicación, o seguinte comunicado:

"AS HUMANIZACIÓNS DO CENTRO DE VIGO
DESHUMANIZAN CANDEÁN

Vigo, novembro de 2009. A finais do pasado mes de xuño un grupo de veciños de Candeán e ADEGA, denunciaban ante o SEPRONA un inmenso verquido no lugar do Costal, preto do parque forestal do Vixiador, feito de cascallos procedentes supostamente das obras de humanización que se están a executar en Vigo.
O incríbel é que agora volve repetirse o mesmo. O pasado martes 17 de novembro a última hora da tarde foi detectado un camión do Concello de Vigo e un tráiler que transportaba unha pá escavadora que deixaban o lugar do Costal –o lugar dos verquidos de xuño- para voltar á súa base en Vigo. O día seguinte a parte máis baixa da pista do Costal presentaba un aspecto semellante ao que tiña logo dos verquidos do verán: enormes moreas de terra extraída do monte e un soterramento de máis de 500 metros cúbicos de escombro composto principalmente por bloques de asfalto e formigón. Por riba, unha fina capa de xabre intentaba disimular o enorme vertido de entullo das obras, malia que, dada a grande pendente e chuvias destes días, a escorrentía estaba levando monte abaixo.
Ante isto ADEGA denuncia que se están a facer de xeito reiterado soterramentos ilegais moi graves e daniños para o medio ambiente, e polo que semella sen autorización ningunha (Quen podería dar un permiso así?). Porén, semella evidente que alguén ten que ser o responsábel disto, e a Xunta Rectora da Comunidade de Montes e o Concello de Vigo deben dar explicacións do que insistentemente está a ocorrer. Suliñamos que isto incumpre con calquera normativa medioambiental, dos montes veciñais e da Lei de Ordenamento Urbanístico e Protección do Medio Rural de Galiza, onde non están permitidos nin sequera pequenos movementos de terra. O que non é de recibo é ocultar verquidos contaminantes e perigosos para o medio e as persoas, e menos que iso se faga a costa do monte e coa pretensión de “humanizar e poñer bonita a cidade”.
Débese insistir en que non nos atopamos diante dun verquido puntual e pequeno –o cal tamén tería a súa gravidade-, senón ante unhas operacións sistemáticas que están a danar o monte durante moitos anos, tanto na zona onde se efectúan como para as augas que logo baixo terra ou pola superficie percorren toda a parroquia. Estímase que pode ser un verquido de 2.100 toneladas de entullo, o equivalente a preto de 100 camións. Esta situación inaceptábel debe deterse, e os responsábeis deben devolver o monte á súa situación natural. O que sobra en Vigo non pode agacharse no monte de Candeán." (R)

Estes vertidos ilegais nos montes de Candeán foran tamén denunciados en Vigoblog.

Carta sobre obras na Praza da Princesa

O secretario da Federación de Asociacións de Veciños de Vigo, envíanos unha atenta carta ao noso correo electrónico, verbo da nosa entrada sobre as obras na Praza da Princesa (na que nos referíamos, a partir destas, ao conxunto das que se están a perpetrar no Casco Vello). Consideramos de interese publicar o seu texto e a nosa resposta:

Estimado amigo, o teu artigo sobre a pedra da praza da Pincesa pareceume alarmante en canto á exposición que alí facías, e, naturalmente, motivo de mobilización para impedir calquera desfeita irremediable.
Consultei a cuestión no departamento de patrimonio do concello e aseguráronme que non se ía poñer nova pedra, que o levantamento obedecía á necesidade de abrir unha canle para as novas canalizacións de servizos que van polo barrio histórico, e que despois se recolocaría de novo a mesma pedra.
Está mañá, pasando pola Porta do Sol, puiden comprobar que efectivamente están recolocando a pedra antiga da praza.
En moitas ocasións cométense atrocidades co noso patrimonio que hai que denunciar; outras é mellor consultar primeiro a cuestión para saber o que se vai facer e despois estar atentos.
Un saúdo
Xosé Couñago

A nosa resposta:

Estimado amigo: o noso artigo está perfectamente documentado. A recolocación do pavimento da praza da Princesa (do que non racharon no seu "sutil" levantamento) faise sen cumprir a propia normativa municipal incluida no PERI. As "novas canalizacións" (v.gr. "separación de pluviais, no rueiro do Casco Vello, por favor!) son unha coartada para gastar os extraordinarios fondos que do Plan E no Casco Vello, tocoulles no reparto ao bi-goberno-BNG. Xustifican así o levantamento de rúas que foran rehabilitadas recentemente e que, segundo os propios datos publicados na web do Concello de Vigo, contan coas canalizacións básicas necesarias. Moito me temo que chegamos tarde a defender o patrimonio que representaban os pavimentos do barrio (especialmente o relacionado coa sua tipoloxía constructiva, amenidade e diversidade) pois a tremenda unificación que se está a facer a base de granito gris alba de corte industrial, acaba para sempre (nunca vai haber unha oportunidade de financiación como esta) coa riqueza da fachada horizontal do Casco Vello. Choremos polas texturas, os matices, os pequenos detalles producidos polo paso do tempo nos granitos rústicos, polos apiconados singulares de San Bernardo, os adoquíns de Poboadores -baixada a- ou a chapacuña de Ferrería. Choremos polos enfaixados en pedra, polos pavimentos dourados, os encontros diversos, as lambidas do tempo sobre as pegadas. Deamos a benvida aos que sementas tapas na leira máis pequena e á tristeira monotonía e incultura dos que botan pedra polo chan co mesmo grao de reflexión do que sementa patacas.
Ten a seguridade de que seguiremos denunciando -sempre documentadamente, como o vimos facendo ata o de agora- as atrocidades (aínda que sexan tan perversas como as que denunciamos no Barrio histórico) que se fan contra o noso patrimonio. Sabemos da túa contribución en internet á salvagarda dese patrimonio: esperamos que esa contribución continúe tamén na túa actividade veciñal, libremente, sen ataduras partidarias. Esperamos, neste sentido, que, unha vez consultado convenientemente o incumprimento das normas municipais incluidas no PEPRI, animedes unha mobilización pola desfeita producida na perda de pavimentos e tipoloxías tradicionais que vos contamos.

Un cordial saúdo e grazas pola túa participación.

Vigoblog