A hora das valoracións

O noso implacable marcador sinala 200 dias. Son os que faltan para que nos achegamos, se é o caso, a depositar o voto municipal. É hora, por tanto, de facer balance e, para manter o protocolo, comenzaremos pola alcadesa.
A súa irregular chegada a alcadía non lle pode ser computado como un pecado orixinal , senon que haberá que anotalo na casiña da oposición (evidentemente non de toda a oposición, pero isto queda para outro momento). En todo caso, C. Porro asumiu a alcaldía en minoría e propagou ós catro ventos que a cidade precisaba tranquilidade e acabar cos enfrontamentos. É a postura lóxica de quen está en minoría. Por tanto, cabería esperar un mandato negociador. Non foi así C. Porro só poido sacar adiante uns presupostos ó contar coa abstención de Pérez Mariño. A partir de aí ven traballando con prórrogas nunha clara demostración de falla de cintura politica. Polo tanto suspende a proba elemental: non é capaz de chegar a acordos para acometer os problemas básicos da cidade. Si, me dirán que é unha práctica habitual e, ainda así, poido dispor de financiación suficiente para levar adiante algúns proxectos e gardar un remanente para facer as obriñas electorais que estamos a sofrir. (Por certo, agora que se cumple un ano da Volvo Ocean Race sería un bon momento para que nos rendisen contas e valorasemos que sacamos en limpo daquel VIG05 que non fose un endebedamento do concello coa zona franca e , non o esquezo, a humanización, que se faría de todos modos con ou sin VIG05)
Así que, lonxe de negociar e acordar, buscou o amparo da diputación e da lei de grandes cidades para "finxir" unha xestión propia dun goberno en maioría.
Instalouse nun enfrentamento coa nova Xunta que obedece, supoño, a consignas de partido desmentindo a propaganda habitual: Vigo é o importante, eu traballo só para a cidade, bla, bla, bla. Neste momento, ten sen solucionar o grave problema da depuración, non participa na construcción do hospital, está enfrontada coa cidade do mar, e non da acabado de ter unha postura intelixente co seu querido PXOM.
Non vale, decir que iste balance negativo é culpa dos demais. primeiro porque non é certo de todo e segundo, porque todos estamos convencidos que caso de lograr algo, ela poríase a medalla. Por tanto, tamén terá que cargar co sambenito: non saca adiante nada trascendental.
Pero indo máis alá, o mandato de C. Porro, afondou na merma de autoestima da cidade. Unha e outra vez, insiste en buscar inimigos exteriores que provocan o apartheid do motor económico de Galicia. É porque non somos o motor político? Será acaso pola pouca talla dos noso gobernantes, empezando, como manda o protocolo, pola alacadesa?
Hai que recoñecer que a frustación alimentada por C. Porro , secundada polo faro de vigo, pola presidente da federación de algunhas asociacións de veciños e por Alvariño, pode dar resultados a curto prazo (lembran aquel jicho que lle botaba a culpa ós xudeo-masóns?) pero son mala política para progresar nunha democracia e lograr obxectivos colectivos interesantes. Claro que iste tipo de razonamentos debe telos a alcaldesa nunha maceta que non rega.