IX ÉPOCA

10.11.06

Bicis contra CO2



Recoñezo que vendo a foto sinto algo así como un aire rancio, como cando as autoridades endomingábanse para estar na mesa petitoria da festa da "banderita". Estou convencido que eles -refirome a Lucía e Santiago- saben que a bicicleta non é unha alternativa de transporte para o conxunto da poboación e sospeito que algo terán escoitado sobre o cambio climático e a necesidade de reducir as emisións de CO2 sobre todo porque , en breve, van custar cartos. Sen embargo, dubido moito que o teñan presente no resto das súas actividades. Por exemplo, cando votan a construción de inumerables aparcamentos subterráneos, portos deportivos ou aproban un plan con mil "cidades de" e centros comerciais que basean a súa existencia no automóbil.
Pesía eles, sexan benvidas as marchas ciclistas coma á do domingo 12 ou como tódalas que celebra "masa crítica" os primeiros domingos de cada mes. Supón xuntarse con milleiros de persoas en todo o mundo que son conscientes da urxencia de tomar grandes e pequenas decisións que impidan a degradación do planeta, como ven de manifestar o movemento clima.
Ademáis, andar en bici ou manifestarse permite respirar un aire de libertade e disfrutar dunha forma distinta de ver a cidade.

1 comentario:

Anónimo dixo...

Xa sabemos que a bici non é a solución, pero é un pasito mais en favor de mellóraa de calidade de vida.

Haberá que dar exemplo mañá dia 12

Roi