Comeza o espectáculo

Se ben nunca se pode asegurar cando comezan as campañas electorais, podemos convir que o ocorrido onte en Vigo pode constituir o primeiro acto do longo espectáculo que nos agarda ata o 17 de maio. E non me refiro, claro está, a presentación de Caballero que non deixa de ser un ritual na vida dos partidos. Falo da contraprogramación que, urdida seguramente polo comunicador Losada, levou a cabo a Vicepresidencia, esa presidencia-bis que inventou Quintana para mellor levar o seu segundo posto. Acompañado de Carme Adán, do delegado provincial de Benestar e rodeado de cargos locais como o inclíto Toba, creíamos que viña celebrar que, por fin!, xa atopara acomodo para aquel alcalde de Vigo que o sacrificou todo pola cidade e dimitiu -ou o dimitiron? - para facilitar a recuperación da alcaldía que el encargárase de botar a perder. Pois non, non era iso. Non se trataba de celebrar que xa temos un carguiño máis con que premiar os servicios prestados ó partido.
Tampouco viña dar unha esmola os Hermanos de los enfermos pobres. Non, total é unha pequenez, 100.000 euros, pero queda moi ben para tranquilizar a isa parte do electorado Paco Vazquez ensinou a coidar con esmero.
Pero entón, ¿veu dar uns pasos de baile con Corina para demostrar que el é independente e pode xogar con duas barallas? ¿Siseoulle no medio da pinza, digo, da peza que podería darlle outros catro anos de apoio desde fora? Non, non hai que ser mal pensado. O fin e o cabo, as apertas, como explicaba un xornal, son as normais entre personas que traballaron no mesmo. Cando dous enfermeiros se atopan pola rúa é que se comen a bicos, como todo o mundo sabe. E se por enriba un é do BNG ainda máis, como xa lle dixo C. Porro a semana pasada a F. Blanco.
Pois non, en realidade, Quintana desprazóuse a Vigo para decirlle a isa minoría de malos cidadáns que o PXOM é o mellor do mundo e que, con ese maioritario apoio, terá que ser aprobado. E dicir, Quintana viu falar das cousas importantes: dos cartos do urbanismo. Claro!!