Recheos en Cangas - Foro Social

O Foro Social de Cangas envíanos, con rogo de publicación, o seguinte texto e foto que publicamos:

Estamos a xogarnos o tipo diante das máquinas, ¡move ficha e saca algo! Estan censurando a noticia na version dixital do Faro e na Voz son dúas liñas:

Fai o favor de incluir o tema dos recheos da ría e os portos deportivos como o que se está a construir en Cangas:

CONVOCATORIA DE CONCENTRACIÓN PACIFICA PERMANENTE NO SALGUEIRON
O panorama en Cangas mírase negro, se suspendeu un Plan Xeral de Urbanismo claramente lesivo para o cidadán de a pé, pero o goberno municipal do PP segue "trincado" polos cartos dos convenios cos grandes especuladores e o alcalde Sotelo parece embarcado nunha fuxida cara a diante: seguir bloqueando a opinión cidadán; seguir apoiando os proxectos deseñados por estes convenios, como é un porto deportivo de 420 amarres na zona industrial da antiga factoría conserveira de Massó; manter ao concellal de urbanismo Gómez Millán, un dos culpables do anterior plan, como responsable de urbanismo e se supón que manter a Arteplan, a empresa que presentara o anterior plan, maquillar un pouco plans e convenios, responder as alegacións e continuar coa política autoritaria para chegar a un punto moi similar ao que estabamos en Marzo, antes das mobilizacións que conseguiron paralizar un plan claramente ilegal.
Se presenta agora unha proposta de participación veciñal que é unha farsa, un "consello sectorial de urbanismo" coa participación de políticos e asociacións, de carácter meramente consultivo, presidido polo alcalde ou concelleiro en quen delegue, e que se reúna unha vez ao trimestre. Vamos, o raposo gardando as galiñas, ou téndoas entretidas mentras as decisións tómanse noutro despacho.
Ao Foro Social non lle gusta ter que pedirlle a xente que abandone as súas tarefas diarias, cada un ten a súa vida e ten que traballar por ela, pero nos topamos nun momento clave para o futuro de Cangas.
Ubaldino Martinez, o promotor responsable do convenio de Massó e o porto deportivo que xa se empezou a construir dunha maneira claramente ilegal, mantén o seu pulso particular co pobo de Cangas, ten muito que gañar e pouco que perder e vese apoiado polo alcalde Sotelo, aínda que éste o intente disimular. O PSOE tería muito que decir e mover, nos lle pediríamos declaracións e feitos.
O Foro Social, constituído por 22 asociacións, sindicatos e partidos políticos, xa tivo que chamar a mobilización no seu día para parar o Plan Xeral de Urbanismo, e mantén unha postura activa e dialogante fronte as decisións que afectan a vida cidadán, pero está a ser sistematicamente apartado das mesas de negociacións por un goberno que disimula mal o seu autoritarismo e a defensa de intereses particulares
O Foro Social pola Defensa de Cangas convoca concentracións pacíficas no Salgueirón, fronte as obras do porto deportivo, polas mañáns as nove e polas tardes as catro para exisir un novo plan xeral sen enganos, para o que é necesaria manter a paralización das obras do porto deportivo de Massó, conseguida o luns 3 e mantida o 4 e o 5 pola mañán.
Débense cumprir os requisitos de protección medioambiental determinados pola Consellería de Pesca e pola declaración de impacto ambiental. Débense paralizar as obras ate sexa resolto o contencioso administrativo e o recurso a denuncia de delito ecolóxico presentados pola Confraría de pescadores San Xosé e se aclaren as irregularidades na tramitación dos permisos, e sobre todo débense paralizar as obras ate o momento que exista acordo sobre o planeamento urbanístico da zona actualmente industrial do Salgueirón.

Queren botar pedra que ven de Vigo cando as prescripcións son de que sexan dunha canteira identificada da zona.
Aproveitamos para reclamar inversións de diñeiro público en Cangas para saír da situación de paro, unha das mais graves de Galicia, que desgraciadamente está a ser maquillada pola venta de terreos a forasteiros. A xogada é redonda, non hai traballo, a especulación envolve a vida de Cangas nos últimos tempos, se queres vivir tes que vender, e co encarecemento da vida ese diñeiro vai a durar pouco, non vai a quedar muito mais que emigrar. Non é ese o futuro que queremos para Cangas. Queremos zonas industriais, un futuro sostible e unha natureza limpa e productiva.
Como sempre repetimos: CANGAS NON ESTA A VENDA, ACUDE AS NOVE DA MAÑAN E AS CATRO DA TARDE AO SALGUEIRÓN.
FORO SOCIAL POLA DEFENSA DO POBO
Enviado á redacción de Vigoblog por forosocialpoladefensadopobo@yahoo.es o 4.10.2005