O brazo urbanístico do BNG

Escribiábamos hai uns dias sobre a nova estructura dos partidos políticos. O caso de Consultora Galega ilustra perfectamente o que diciamos. Creo que non é esaxerado afirmar que se trata dunha empresa con ideario político. Si, xa sei que no fondo todas o teñen pero non todas promocionan ós seus dirixentes a cargos políticos e, moitos menos, entrán directamente na loita política. Consultora sorprendéunos con manifestacións claramente políticas no debate sobre o PXOM ó mesmo nivel que os partidos. Mantivo a súa oposición ás directrices da Consellería (¿insubmisión?) mesmo reclamando un terreno de soberanía decisoria. Por outro lado, non tivo reparo en modificar planeamentos cando llo pedia un Toba abafado polas presións dos nacionalistas de Teis. E seguiu facturando.

Agora cando, en cumprimento dun acordo de goberno, lle esixen novas modificacións, neganse. Que se xa cumpliron, que terán que facturar máis, que andan moi ocupados, que é imposible. ¿Pero non hai un contrato? ¿Cómo se resolven os problemas entre contratantes? ¿Pero como é posible que o Alcalde lamente que os documentos pagados con cartos públicos esteán en mans privadas?
Domínguez axuda mantendo relacións especiais coa empresa contratada. Como se fose un interlocutor político ou social. Un empeza a sospeitar que Consultora xa ten autonomía. Temémonos que é Domínguez quen recibe instruccións e non ó revés.
Consultora xoga para impoñer os seus puntos de vista. O malo é que eses puntos de vista non se traducen en concepcións teóricas sobre a ordenación do territorio senon en millóns de euros de negocio inmobiliario. E no lío entrelázanse outros intereses: ó santo promotor Karpin, valedor da política privatizadora do deporte galego, non lle saen as contas no barrio do Cura e, claro, Santi anda preocupado.
Deixémonos de lerias: ista situación precisa información pública. E o dicimos non para chantaxear como fai Consultora galega nese fantasmagótico documento que coñeceu antes Domínguez que nadie. Precisamos aclarar o contrato desa empresa co Concello. Precisamos saber como é posible que se neguen a refacer o que fixeron mal e porque non aceptan os novos encargos. E sobre todo, como é posible que teñan secuesttrada información que se lles pagou. Aceptariamos de bon grado que rescindiran os contratos e que se pediran indemnizacións polos incumplementos. E se o Alcalde e a concelleira non teñen autoridade para facelo que veñan tódolos fiscais do mundo a investigar por qué.