O fraude do saneamento (1)

C.Porro& Cia tiñan dende o principio decidido este lugar, polo menos dende o mes de xullo, cando obtivemos esta información e colgamos o noso post pronosticando que a Depuradora iría á Xunqueira do Lagares. Pero tácticas torticeiras orientaron o tortuoso camiño percorrido dende aquelas datas. As inviables propostas de Bouzas e Cabo Silleiro só pretendían minimizar o custo político da decisión xa tomada daquela. Todo ese camiño só perseguía buscar a noticia que hoxe recollen os medios: "non é un bo sitio, pero é o único posible". Conseguíase así tamén esgotar aos veciños de Coruxo cun desgaste de meses que baixaría as súas defensas.
Do proceso queda meridianamente claro unha cosa: aos nosos representantes políticos (e aquí incluímos tamén á Xunta de Galicia) non lles importa nada solucionar os problemas, senon xestionar habilmente os conflictos para poder manterse na poltrona e, de paso, investir algún diñeiriño en estudios e auditorías para a galería. De feito, ninguén nos acaba de explicar por que non existen terreos adecuados previstos no PXOM vixente, preocupado máis de calificar o conxunto de territorio para novas urbanizacións, que en comezar -como é preceptivo- por ubicar sobre o terreo os servizos básicos para a comunidade.

Finalmente quedarémonos sen saber por que non funciona a Depuradora actual, por que non se fixeron as redes separativas nin os tanques de tormenta necesarios na conca de Urzaiz-Gran Via-Colón-Alameda-Areal, por que non se controlan os vertidos industriais á rede de saneamento?. ¿Quedarémonos sen coñecer o contido deste gran fraude?.

Dende Vigoblog faremos o posible para que non sexa así.