A mala educación

Se algo queda demostrado no caso da ubicación da depuradora é a mala educación que a nosa alcadesa imparte a vigueses e viguesas. Cando hai que tomar decisións impopulares, C. Porro que, por suposto, é popular, di que nones. que o faga Pachi ou Touriño que ela está para outros asuntos. A mensaxe que recibimos os cidadáns é clara: cando toca apandar coas merdas propias a min que non me miren. Mellor en Baiona, en mar aberto ou nun pais african que por catro perras acolle canta desfeita lle manden do primeiro mundo.
O malo da xente de dereitas, como C. Porro, é que pensan que eles están no cargo igual que os percebes nas rochas; é o seu sitio natural. Por tanto, se hai que tomar decisións problemáticas sempre atopan a quen botarlle a culpa. E, sen embargo, non se recatan nada á hora de pedir máis competencias ou de aparecer aldraxadas cando un superior non ten a delicadeza de contar con eles. Un meu amigo dí que non só os de dereitas. Recordame que Toba tamén dicía que o saneamento é cousa da Xunta.
A irresponsabilidade da alcadesa é tal que onte o seu diario oficial (ou non tanto desde que tamén paga Caballero?) volveu recordar o do pacto Xunta-Concello para acabar co problema. Volverá Corina a reinvindicar a súa soberanía sobre o planemaento como fixo co PXOM e desmentirá ó decano?
Hoxe, "el bueno de Santi" tamén propón un pacto a tres para acabar con este ir e vir. Pois ben, creo que non é bon cubrir as incompetencias e irresponsabilidades dos gobernantes cubríndoos con pactos mafiosos e oscurantistas. A C. Porro tocoulle a Volvo Ocean Race para lucirse ( e non chamou por Touriño nese caso) pero tamén lle toca decidir donde van os servicios básicos da Vigo. Se non é capaz, que dimita. E Chema , tamén.

Actualizacion:
Pola mañán, CePorro chamou por teléfono a Touriño e quedaron, según a interesada, en que isto había que arranxalo dunha vez, que todos deberían ceder, que isto ¡¡¡non era un tema político!!! Pero cales son os temas políticos entón? Non son as da "polis"? Que política fai CePorro se non é a de arranxar os problemas dos cidadáns? A qué se dedica?