Árbores, árbores e máis árbores

Alguén llo debería explicar a C. Porro para frear a súa animosa teima decorativa: as árbores na cidade, para cumprir a súa función ambiental urbana, deben ser moitas, de porte grande, frondosas e preferentemente de folla caduca. Exactamente o contrario dos arbustos con flor que espalla Corina por Vigo. Exactamente aqueles grandes exemplares que día a día vemos desaparecer na cidade pola acción da motoserra municipal.

“As árbores son bonitas, pero tamén aportan valiosos beneficios medioambientais. Son o aire acondicionado do planeta, pero sen os seus efectos nocivos“ … ”Nas cidades cumpren a mesma función: as cidades sen árbores son máis pobres”. (H.Girardet “Ciudades para una vida urbana sostenible”)

A árbore urbana, por todo o que nos aporta, beleza, filtración do aire, chuvia, drenaxe do solo, ornamentación para os edificios, tamización do ruido, potenciación dos sentidos, reducción do estrés urbano, sombra-tan necesaria para o noso clima, cada vez máis caluroso-, marmurios, humanidade, y beleza, beleza e beleza, debería de ser a nosa compañeira fidel e tería que estar presente, como nas cidades arboradas do norte, en todas as rúas, en todas as prazas, en tódolos currunchos, en tódalas avenidas. Segundo estudios científicos, unha árbore, ademais de absorber e limpar o pó contaminado da cidade, transpira ata 400 litros de auga diarios, co cal refresca o seu contorno (...).
A reforestación urbana forma parte dun programa que se está introducindo en moitas cidades do mundo, sobre todo en Australia, Canadá, Estados Unidos, Alemaña e Inglaterra. Girardet explica que o forestador urbano James Schimdt asegura que 50 millóns de árbores na cidade de Sant Louis, que virían ocupar tan só o cinco por cento da súa superficie urbana, limparían 455.000 toneladas de emisións de dióxido de xofre.
(Árboles, árboles y más árboles. Col-lectiu Terra Critica)