CON la VENIA

O noso iluminado alcalde, que se segue a gustar moitísssimo, acaba de anunciar que ao Celta -e máis agora que ven da man da todopoderosa caixanova- o que pida. O convenio vixente de cesión das instalacións municipais (Balaídos, Madroa) ao Celta -en condicións tipo “quetecagas”- remata en 2014 e, no medio do proceso concursal no que se atopa o clube, convén clarexar cómo está un asunto tan vital como as infraestruturas coas que conta o moribundo.
Acostumado a falar de ti a ti só cos deuses, Caballero Primero ignora aos pobres mortais que conviven con il o día a día. Aínda que pareza mentira, o tenente Santi dixo ben esta vez o de que sen eles non haberá convenio co clube senlleiro da cidade, e pide lóxicas compensacións aos responsables da sociedade anónima que se vai beneficiar da operación.
Pero a munición que o tandem Mouriño-Gayoso precisaba xa está no seu poder. Un protocolo “de intencións” que o alcalde traballou (por dicir algo) co seu servidor obediente e ban pagado Font, pasando do resto, servirá para acreditar a viabilidade da operación en canto que manifesta que, de feito, o club ten estadio, campos de entrenamento e o que faga falta como se foran da súa propiedade. O convenio virá despois e, ¿quen será o desalmado que, por catro patacos -luz, auga, céspede, catro tendas, ...- vai impedir a existencia da nosa marca máis internacional?.
Núñez, Gómez, Mouriño (uff), Pérez, Príncipe, Castrillo, Porro, Caballero, pero sempre Gayoso (non Ana, o da galega non, o outro).
Como sempre, o de sempre