Gaspar S.O.S.

Os colegas da redacción de VB encargáronme que xogase con Photoshop para colocar ao arroás embaixador Gaspar gañando a carreira de Powerboat, co dorsal do noso Blog. Ía facelo sobre a lenda "¡Nós imos de Gaspar!", cando leo na Voz de Galicia a advertencia de Gremmar sobre o perigo real (eu que pensababa que o seu único nemigo sería un descontralado do país!) que corre o golfiño vigués, ao ter establecido o seu territorio habitual, xustamente, no lugar onde esta cara tolemia de ruido e queroseno, chamada "Campeonato del mundo de Powerboat" fará as súas probas, entre Bouzas e Punta Lagoa... e non fun quen nin de abrir o programa de retoque fotográfico.
Se xa estaba convencido do sensenso, derroche, corruptela e inutilidade deste evento, o seu impacto sobre a nosa ría, exemplificado no posible asasinato de Gaspar, faime reafirmarme, aínda máis, na irresponsabilidade dos que, para o seu beneficio, programan semellantes productos comerciais en lugares da sensibilidade ecolóxica e fraxilidade da ría de Vigo.
Entéirome ademais de que o promotor en España de tal Campionato é outra vez Mario Ubiaga (a súa última empresa chamábase Ubiagrandal, S.L., pero pode que agora cambiase de razón social, como xa fixo varias veces antes -Produccións Ubiagandre, Mario Ubiaga Producciones Vigo...), un proveedor de oportunidades (esta vez culturais) de eventos varios que tivo o seu maior momento de esplendor con C. Porro, naquel outro acontecemento do mundo mundial que colocou por enésima vez a Vigo en el mapa (e aos vigueses nun estúpido limbo dos xustos paga-nos): a Cowparade (lembran?)...

Salvemos a Gaspar. Libremos a nosa ría dos que a utilizan como se fose o circuíto de fórmula 1 da dereita valenciana.