Un tren de novos ricos

Sorprende que neste momento de exaltación local-ferroviaria aparezan algunhas voces que cuestionen o gasto dunha infraestructura como o AVE. . Vaia por diante que considero ó tren como o medio de transporte do futuro. A encarecemento dos combustibles e a necesaria reducción de emisións contaminantes irá deixando fora de xogo á coches e camións, a autobuses e avións. O tren, magnífico invento que pode correr impulsado polos aeroxeneradores do Paradanta, polas augas do Sil ou polo sol de Almeria, será o noso futuro. E sobre todo, será o futuro para mover as mercadurias. Porque as persoas na sociedade da información xa vivimos no planeta como Cunqueiro na rebotica de Mondoñedo, con todo un mundo a golpe dun botón. Pero a diferencia de D. Alvaro o noso mundo non é o da fantasía senón o das transaccións comerciais, finacieras, de comunicación en tempo real. Cada vez é menos necesario o desprazamento e, caso de selo, non importa tanto a velocidade porque a tecnoloxía é móbil e seguimos conectados no tren, na estación, no metro ou no tranvía.
A clave está en poder mover os productos, como sinalaba Prada . En sacar das carreteras milleiros de camións contaminantes con conductores cada día máis explotados poñendo vidas en xogo. Por tanto ¿a que necesidade resposta unha obra que vai remover toneladas de terra e consumir millóns de euros? ¿Media hora en tres horas de viaxe para un reducido número de persoas poden xustificar tal empresa? ¿A satisfacción localista e competitiva de catro axentes sociais e suficiente?
Se analisamos as necesidades sociais da nosa área cae de caixón que non é o "tren de ricos" o que precisamos se non unha rede de trens de cercanías que nos permita ir e vir de Salvaterra, da Guarda, de Redondela o de Ourense. Mentrás as cidades enmerdanse co incensante movemento de coches particulares, os nosos inefables axentes sociais seguen facendo o pranto por un AVE por Cerdedo. E incomprensible, de novo, que a Federación de Algunhas Asociacións de Veciños e os sindicatos de traballadores sexan hoxe os entusiastas abandeirados dunha reinivindicación que a penas terá repercusión sobre o benestar dos veciños e traballadores.

O AVE por Cerdedo é un tren de novos ricos, un gasto suntuario para quedar ben que según afirman os técnicos nunca será amortizado. O que precisamos é un rede de ferrocarril que evite os miles de desprazamentos en coche particular, que achegue os servicios sanitarios á toda a área de influencia, que permita a mobilidade dos estudantes universitarios e de F.P., dos traballadores e dos turistas. Canto de todo isto non faríamos co inxente presuposto do AVE por Cerdedo!