Espabila Pachi

Manuel (Pachi) Vázquez, conselleiro de Medio Ambiente da Xunta de Galicia, debe espabilar. Agora promete que fará público o nome das empresas que fan vertidos ilegais. Pois non vai dar abasto. Porque segue emperrado en só controlar aquelas que verten os seus residous directamente aos ríos e ao mar (vertidos sobre os que ten conmpetencia directa a Consellería), pero nada di dos vertidos industriais que representan con seguridade o 99% da contaminación que chega ás nosas rías: os que saen (iso si, máis diluiños) polos emisarios submariños procedentes das depuradoras que non funcionan (entre outras causas, pola interferencia deses mesmos vertidos nos procesos biolóxicos de depuración).
Como temos repetido ata a saciedade, para o caso de Vigo, neste blog, o propio concello recoñece que só controla os vertidos á rede de saneamento (ou sexa, a que despois verte na depuradora e logo no emisario á Ría) dun 10% das empresas instaladas no municipio. De nada servirá controlar aos poucos vándalos que verten directamente por un tubo aos ríos e á ría, se non controlamos aos miles de "civilizados" aos que os Concellos deixan verter sen autorización nin declaración de vertido ás súas tuberías.

Aconsellamos a Patxi que analice á luz das ordenanzas municipais que regulan os niveis máximos de substancias contaminantes autorizadas para cada empresa, un efluente sobre o que ten directa competencia (e que moito nos tememos que carce da regulamentaria autorización de vertido!!): o emisario submariño da EDAR do Lagares. Que non todo é ver os coliformes totais, mentres a ría recibe, procedente da rede municipal de saneamento, cantidades perigosas para a saúde de metais pesados e outros contaminantes industriais que ninguén controla.

Menos propaganda e máis efectividade.