Iglesias no tiene quien le escriba

As declaracións do concellal de Vías e Obras de Vigo José Manuel Iglesias ao Faro de Vigo en relación coa paralización das obras da rúa Alfonso XIII, só poden significar -se a política no Concello de Vigo fose unha cousa seria- que o delegado de obras do Concello se considera incapaz de xestionar a súa área de responsabilidade e debe dimitir. Cando se ten un cargo institucional da relevancia do como o que ten o doctor Iglesias, non se pode declarar que: "Estoy cansado de preguntar las razones de la paralización y nadie me dice la verdad". Tampouco asegurar que lamenta que tampoco ha encontrado una explicación razonable en la Diputación, e quedarse tan tranquilo pensando que -dito o dito- un lava as súas responsabilidades administrativas e políticas (e parece deducirse que tamén penais, por se tal). Tampouco é de recibo que, referíndose ós problemas xurdidos nas obras de Cervantes, se diga que "se trata dun problema serio", sen que se aclare cal é o problema, cal é a gravidade, cales son as causas e se apunte ós responsables.

E se alguén chega ao punto de facer estas declaracións de impotencia, só lle queda a opción de dimitir de inmediato. Porque se nono fai é que a súa concepción do que é o servizo público confúndese co amarrarse a calquera prezo ó cargo, aínda que este só sirva para clamar no deserto pedindo que alguén lle informe precisamente do que está obrigado ineludiblemente en razón de su cargo a saber.
José Manuel Iglesias é o máis presentable do grupo de goberno. Pero como xa comentamos neste Blog noutra ocasión, está absolutamente só no grupo municipal do PP, no que é elegantemente odiado por todos. Posiblemente porque é o único do grupo cun mínimo de sensibilidade, educación, cultura e estudios.

De tódalas maneiras, parece que se impón no goberno municipal a práctica de "sentirse enganado" e pasar. Lembramos as declaracións de Chema Figueroa no Faro de Vigo de 27 de xulio de 2005, que recollían o debate no Pleno municipal do día anterior (ver páxina 64 e ss. do documento pdf). Igznogod-Figueroa decía referíndose ós graves problemas da depuradora "siento frustración e impotencia. Ninguno es capaz de decirnos: el problema está aquí". No mesmo pleno no que a Corporación aprobou por unanimidad una batería de medidas para investigar la construcción de la planta y su funcionamiento hasta hoy con el fin de exigir responsabilidades, "buscar culpables si los hay", y llegar "hasta el final". E ata hoxe, claro.

Vaian dando explicacións convincentes, busquen e atopen responsables e, se non, vaian dimitindo, señores... ou que Chema encargue outro informe externo deses que tanto lle gustan e que tanto valen para un roto como para un descosido.