Eu tamén son un axente social

Xa sei que para os que temos unha certa idade o de axente social sona mal. Pero trátase da nova versión que a socioloxía política ven empregando para definir as organizacións que defenden intereses de un sector. Polo visto, en Vigo, os axentes sociais, son esas organizacións que C. Porro vai reunir unha vez máis para que aplaudan as súas manobras respecto do PXOM, segun anuncia o boletín paraoficial do Concello, e decir, o faro. Faro, que ó día seguinte, publicará o amplo apoio con que conta o documento, carta ou declaración que os tales axentes lerán por enriba un minuto antes da reunión, como fixeron co PXOM. E iso que tiña ben de páxinas. O caso é que entre os axentes sociais hainos de obediencia debida, por exemplo, os comerciantes ou o s empresarios con Alvariño ó fronte que sigue cobrando do Concello. Outros, que non tiñan porque obedecer pois representan organizacións democráticas independentes, tamén agachan a cabeza e participan dos actos de afirmación: son a federación de algunhas asociacións de veciños coa súa incondicional presidenta e os sindicatos, os tres, que sen vergonzas non dubidan en apoiar unha e outra vez ó PXOM.

Pois ben, eu tamén son un axente social e quero que C. Porro me convoque para que non se diga que a súa reunión non foi representativa. E, conmigo, convoque a Ana, a Raquel, a Pablo, a Marcos a Iago, á Alternativa Veciñal, a Outrovigoé posible, a centos de afiliados de UGT, de CCOO e da CIG que están amolados co Plan, ós veciños de Cabral, de Teis (ainda quedan algúns que non son amigos de Toba), en fin, a tódos os da foto, e algúns máis ¿Fará ise sacrificio polo ben de Vigo? Xa de paso, quero que o faro nos pregunte cada vez que pase algo como fai cos axentes sociais de verdade. Claro que iso igual custa uns cuartos.