Bicicletas e tranvías. (REPOSICIÓN)

Nota: O "post" desapareceu por problemas de composición que superan os nosos coñecementos técnicos. Reeditamolo diante das peticións recollidas nos comentarios.
Son moitas as cidades arredor do mundo que adican esforzos e imaxinación á potenciar prácticas maís respectuosas co medio e máis solidarias coas xeneracións vindeiras. Para o noso goberno municipal, sen embargo, estas iniciativas teñen o mesmo nivel que a colocación de macetas colgantes. Por iso, Couto, un deses grises concelleiros de distrito, ven de descubrir un sistema de promoción do emprego da bicicleta que, curiosamente, fora ofertado pola empresa J.C. Decaux o ano pasado. Claro que, como xa comentamos, J.C. Decaux está condenada a non renovar a concesión do mobiliario urbano e , seguro que xa hai un astuto competidor que pode facerse co negocio.
En todo caso, o importante é que promocionar o uso da bicicleta mentras se aproban parkings subterráneos a esgalla ou centros comerciais a tiro de coche, sona a lismona hipócrita.
Hai uns dias, un ex-director da CIA, confesaba que o problema mundial era o enerxético. As guerras, o subdesenvolvemento e a pobreza están relacionados cun uso irracional das fontes de enerxía. Máis cedo que tarde a situación vai mudar teremos que diversificar as fontes enerxéticas e , sobre todo, aforrar. O ex-director confesa que emprega un coche de motor híbrido (eléctrico-gasolina) para ir colaborando.
Os noso gobernantes locais parecen vivir noutro mundo e, supoño, que para eles , iste tipo de razonamentos non lles compete (como a depuradora). En Porriño, por exemplo, van meter nunha furna de cristal blindado catro metros de vía de tranvía, como se de murallas romanas se tratara. En vez de estudiar seriamente a posibilidade de recuperar a antiga via que partindo de Vigo subía a Peinador e de ali, a Porriño, xogan a arqueoloxía industrial. ¿Cantos anos faltan para que se tome en serio a posibilidade de adicar a chamada autovia a Baiona á circulación dun metro lixeiro cunha vía paralela de servicio para as vivendas lindantes?
Adiante coas bicicletas, pero non nos conformamos con tan pouco.
E mentras tanto seguimos pagandolle 840.000 euros anuais polo deposito de coches a Fernández Alvariño.