A gran excursión

¡Ay que buenos son los padres /las madres........!
¡ Ay que buenos son, que nos llevan de excursión!

Non sei cantos autobuses sairon da cidade para incorporarse a esa macroexcursión que organizaron entre o PP e a Conferencia Episcopal via CONCAPA e outras organizacións. Descoñezo tamén a influencia que poido ter a Volvo na asistencia (benvido o efecto colateral) Do que non teño nengunha dúbida é do amplo esforzo de mobilización que nas últimas semáns desenvolveron os colexios concertados, moi especialmente os autodefinidos como de "ideario católico". Reunións cos pais e nais de alumnos, envio masivo de circulares e ofrecementos de prazas de autobús gratuitas repetironse con insitencia. Teño as miñas sospeitas sobre a procedencia dos cartos que financiaron todo o esforzo ¿Lembranse de aquel obispo que invertía en Gescartera as "xenerosas axudas do Estado"? Pois iso.
En todo caso, nese conglomerado de consignas que rematou na petición de demisión de Zapatero (a iso ía Acebes que non fará nunca a dixestión) destacaba o da libertade de elección de centro. A verdade é que non existe tal libertade. Polo que observo na cidade as familias ricas vense na obriga de asistir so a determinados céntricos centros ( a maioría de ideario católico) mentras que outras non poden máis que ir os colexios perífericos (si, si, algúns deles concertados). Nos primeiros hai pabellóns cubertos case sempre financiados con xenerosas axudas das anteriores autoridades do deporte mentras que os outros disfrutan de cativas pistas abertas. Non hai libertade de elección. E agora o infame de Zapatero propón repartir os alumnos difíciles sen lle preguntar a donde queren ir.
O curso pasado, os centros concertados fixeron chegar ó Concello a súa indignación por non figurar na Guía de centros escolares que edita a Concellalía de Educación para orientar ás familias no proceso de matrícula. Unha cortapisa á libertade de elección. Propoño que na nova edición se incorporen os centros financiados con fondos públicos incluindo na información tódalas condicións que deben cumplir os aspirantes a entrar. Refirome ó custo, recibos complementarios, asistencia a actividades diversas, etc. Sería moi saudable poñer por escrito todo canto ten que pagar unha familia "voluntariamente" para elexir centro.