Deseñe o seu AVE

Non o sabiamos pero resulta que deseñar o trazado dun AVE é un xogo. Según informacións aínda non contrastadas por Vigoblog, está a piques de sair "AVEDESIGN", xogo multiplataforma para PS, Wii e Gameboy advanced. No ministerio de Fomento, na Asociación Provincial de Empresarios, na UGT-transporte, e na alcaldía teñen xa designadas as persoas que se desprazarán a uns coñecidos grandes almacens para facer cola e lograr asi os escasos exemplares que se van comerciar.
Vigoblog, sempre preocupado por defender ós cidadáns, ven de deseñar un kit a 2 euros que pemite participar no xogo e mesmo tomar un café mentrás deseñas centos de itinerarios para o AVE. Non imos permitir que haxa discriminacións por razóns económicas ou de alfabetización tecnolóxico-cibernético. Vexan a foto promocional e convénzanse.

A Comisión de eventos diversos ten xa ultimada a convocatoria do I CONCURSO "META O AVE POR DONDE NIN DIOS PENSABA QUE ÍA PASAR" dotado cunha viaxe Vigo-Coruña (I/V) nun Regional.

E que, xa me dirán vostedes, pero un aínda pensaba que as decisións que moven millóns e millóns de euros, tomábanse despois de serios estudios con equipos multidisciplinares pero polo visto non é así. A democracia participativa está chegando a alturas insospeitables.

Pois nada, a xogar!