ETEA: estamos xa en campaña?

Como saben a ETEA destaca por ter sido empregada en reiteradas ocasións como reclamo propagandístico por todos cantos partidos toaron poder nesta terra nosa. Ao parecer volve tocar sacar o santo á rúa para reclamar votos e o desaparecido Feijoo ven de aprobar o enésimo plan sectorial  dos terreos da antiga ETEA.
Unha vez máis a gran imaxinación dos gobernantes do PP ponse de manifesto con descubrimento da promoción de vivendas como medio de financiación. Están abonados a dogmas  que repiten unha e outra vez mentras que os cidadáns vemos como os cartos púbicos -os nosos cartos- deben acudir unha e outra vez a salvar a iniciativa privada( ou sexa a que privatiza os beneficios) Sucede nos asteleiros, nas caixas,no auditorio,  nos parkings e sucederá na ETEA se isto resulta algo máis que unha manobra electoral. Por de pronto terán como excusa a presencia de Caballero que -co infatigable e ben pagado  traballo de La Voz-
sempre pode aparecer como Abel I, o obstaculizador.
Pola nosa parte, no ano 2005 xa pedíamos que sacaran as súas suxas mans  e, máis adiante no 2006 escribiamos:

"Quen coñece a ETEA sabe que o pior que se podería facer con este espacio sería rachar co seu carácter unitario, con edificios perfectamente conectados e conectables entre si, cun espacio axardinado de gran calidade, perfectamente compatible co uso restrinxido e aberto que Teis e Vigo necesitan e potencialmente -a pouco que se faga un esforzo de xestión e deseño- unible á gran zona verde da Guía por un lado e, á súa zona litoral, por outro."