IX ÉPOCA

18.12.15

Vigoblog vota En Marea-Podemos

Hai que mollarse.

Así comezamos a última reunión plenaria da redacción de Vigoblog.

Hai que mollarse porque a situación é de emerxencia.
Se se perde esta oportunidade, se se pecha esta ventá aberta  cos ventos do 15-M, e suxeitada no tempo con forza por un fato de xoves valentes que foron quen de transformar o  devalo dunha esquerda autocompracente, nunha pleamar de esperanza; se se perde este 20D sen unha presencia masiva no parlamento español dos indignados, felizmente organizados, varias xeracións -a nosa propia- estarán condeadas a sofrer un liberalismo sen piedade, sen dereitos, cruel cos débiles e xeneroso coas corruptas élites económicas e políticas.

Por isto, porque temos que construír un escenario no que sexa posible o medre do movemento popular contra o ultraliberalismo e o protofascismo con pel de año; un escenario no que as distintas forzas democráticas poidan confrontarse en igoaldade, sen represión, cun pobo que aprenda a superar o medo e defender os seus lexítimos intereses; porque non podemos esperar a que a xente sofra e tire definitivamente a toalla nun sálvese quen poida; porque sabemos que as persoas que compoñen as candidaturas de En Marea-Podemos si poden representarnos; porque hai un programa cargado de compromisos, de garantías fronte á mera promesa electoral... por estas e moitas outras cousas que sitúan os planteamentos críticos de Vigoblog na mesma liña que esta candidatura, decidimos votar unanimemente a En Marea-Podemos e promover publicamente este voto.

Despois do 20D quedarán moitas tarefas por facer e casi todas elas dependerán do noso grao de implicación no novo escenario, da xenerosidade e da intelixencia na nosa acción, na ruptura coas vellas inercias autompracentes dunha esquerda que parece desperezarse deses anos nos que non soubo como saír dos seus cuarteles de inverno, esperando permanentemente a Godot.

Tocará, despois, seguir construíndo democracia directa, formación política honesta, pedagoxía social baixando ao terreo de xogo do cotián das necesidades reais das persoas...


Votaremos En Marea-Podemos e animámosvos a todos e todas a lograr que o 20D consigamos unha victoria histórica.

Xogámonos moito, como nunca dende a morte do dictador.

Logo vémonos nas prazas, nos blogs, na crítica, na opinión honesta, no apoio e control a aqueles e aquelas aos que o domingo encargaremos o traballo de levar a voz e a forza "dos de abaixo" ao Parlamento...

Saúde!

A redacción de Vigoblog:
Marcos Andión, Raquel López, Lorenzo Pardavila, Ana Pinténs, Pablo Eifonso e Tiago Louro.

@enmarea
@ahorapodemos
#remontada

2 comentarios:

Pedro Larrauri dixo...

Escribo esto dos meses y medio tras las elecciones.
Yo voté a Zapatero en 2004, después a Rosa Diez, y ahora a Albert Rivera.
Vuestra justificación de opción de voto me parece razonable: pero quizá tengáis que rectificar, porque ahora podéis comprobar que Podemos y En Marea no facilitan un buen gobierno regenerador (el que pretende liderar Pedro Sánchez basado en el pacto PSOE + Ciudadanos) ya que ponen por delante de los intereses de la gente el que Pablo Iglesias sea Vicepresidente y el que se celebre un referendum en Cataluña (para que Cataluña se independice, con el consiguiente lógico empobrecimiento de España y de sus trabajadores, ya que Cataluña es una región rica de nuestro Estado... ¿Es eso bueno para el bien común? ¿Nos favorece a los vigueses en algo?).
Lo mejor es enemigo de lo bueno, y supongo que estaréis de acuerdo (por lo que decís) en que es mejor Pedro Sánchez que Rajoy, o que la ingobernabilidad, elecciones reiteradas dos o más veces sin salida (sin formar gobierno) y seguir con Rajoy en funciones.
Espero que si se producen nuevas elecciones rectifiquéis vuestro voto y apoyéis que se pueda formar gobierno.
Espero que muchos votantes del PP (no entiendo como tanta gente puede seguir votando al PP) que quieran que se forme un gobierno voten a Ciudadanos, y muchos que votaron a Podemos lo hagan al PSOE.

Vigoblog dixo...

Grazas, Pedro, pola comentario. Rectificaríamos o noso voto se En Marea-Podemos pactase cos neoliberais de Ciudadanos. A sociedade pola que loitamos vai máis lá de meros acenos reformistas no político (que non estarán de máis.
Un saúdo