Un partido ausente

Unha das características de Vigo é contar con organizacións partidistas digamos que orixinais. Á dereita contamos cun partido que vai devorando "lideres"  e "lideresas" de forma contínua. A última candidata foi eliminada polo vello sistema de Herrera ,Don Helenio,  do  patadón cara arriba (Consello Consultivo) xa empregado en outras ocasións  por exemplo,para colocar a Pérez en Europa.
Sen embargo, velai temos ao fontaneiro Chema remexendo incansable nos sumidoiros do poder provincial. Este rapaz, saiu dos Valos xurando, en plan Escarlata,  que non traballaría xamais na hosteleria,  e de momento vaino cumprindo. Tampouco quere traballar de alcalde de Vigo e , ainda sendo Presidente do partido, vese claro que non se atreve a contrastar as súas aspiracións e cualidades nas urnas. A cousa ven de lonxe. A oposición do PP no Concello de Vigo é unha sucesión de concelleiros que aparecen e desaparecen. O PP non ten candidato en Vigo e a este paso van ter que inventalo polo tramite de urxencia.
Pero a Chema dalle igual porque el ten un patronato de Turismo provincial  que lle fixo Louzan para que disfrutara de despacho, talonario e micrófonos.Non é de extrañar que cando o xefe dos empresarios Fontenla pide o "adelgazamiento" da administración, suprimindo Deputacións, Chema e Louzan salten como fieras para defender "o seu" importandólles moi pouco a presión dos mercados ou a "prima" que mete tanto medo.
Agora, con dificulatades nos orzamentos,  veñen de inventar outro chiringuito a medida para Chema: unha área metropolitana ideada para que o cerco maoista  da cidade desde o rural  dea como resultado -por fín- a conquista da cidade polo gris PP de Chema.
Asi é como lle gusta, pola porta de atrás, sen chamar a atención. Que humildade!!