O Hidria II a Cartagena

Vía o Blog La Trinchera del ElMundo.es, enterámonos de que o vapor Hidria II, despois dunha nova desgraciada peripecia en Algeciras, pode haber atopado, por fin, un lugar no mundo atracado no porto de Cartagena. Antes, negouselle o pan e o sal en Galicia e en Vigo.
Que o gran Leviatán afogue nas súas augas aos nosos gobernantes e á sociedade galega e viguesa que non foi quen de conservalo entre nós.

Unha nova que nos enche, por unha parte de ledicia porque abre un horizonte de tranquilidade para os seus admirables armadores, Sesé e Jacobo, e de pena, por outra, por constatar outra volta que Vigo despreza o seu máis valioso patrimonio e a súa memoria como cidade marítima.Polo menos, este barco non acabou no despece, como o Campaláns, como o Roberto, como o illas Ficas.

¡Longa vida ao vello vapor vigués! e moita sorte nesta travesía lonxe de nós, desagradecidos.
Botaremos sempre de menos na nosa ría o fume branco da súa poderosa buguina.