Abel Caballero declara que vai prevaricar no tema das multas

As palabras de Abel Caballero que hoxe recolle La Voz de Galicia son unha incitación ao delicto de prevaricación, se é que non son delectivas en si mesas, pronunciadas por un cargo público obrigado a coñecer e respectar a legalidade vixente. Xa denunciáramos en Vigoblog o intento da alcaldía de Vigo de saltarse a legalidade á torera no espiñento tema das multas. O seu concelleiro de Tráfico, Xulio Calviño, puxo as cousas no lugar máis propio do Estado de Dereito, desmarcándose do arrabalero comportamento de república bananera do Alcalde, que, pesie a estar obrigado a respectalo escrupulosamente, pásase, co agravante de facelo con luz e taquígrafos, o principio de legalidade por onde lle colle.
Se daquela o alcalde comprometérase á ilegalidade de "conxelar as multas de tráfico", agora dá un paso máis cara ao abismo, ao proclamar urbi et orbe nada menos que a «todo aquel al que se le haya puesto una multa de 300 euros (por no identificar al conductor) que la recurra y se le retirará» e que «ya que se existe voluntad política de llevarlo adelante y simplemente con la presentación de un recurso se garantiza la no imposición de la multa». O alcalde convírtese así nun asilvestrado funcionario que se arroga o papel de instructor supremo de expedientes sancionadores, nunha fuxida cara adiante, só explicable porque se volvese tolo ou porque sexa un mentiroso compulsivo irresponsable. A pesar de saber que tal promesa é inviable xuridicamente pois o procedemento sancionador e a Lei de Tráfico non permite tales "supostos xerais", cré que esa promesa  pode ser popular e o "vende" aos medios de comunicación para consumo de inocentes cidadáns. Inocentes cidadáns que se convertirán en enfurecidos veciños cando se decaten de que, agás que algún funcionario irresponsable e suicida se preste a tal xogo, ninguén lle perdoa os 300 euros automaticamente.
Alguén debera coidar pola saúde psíquica do noso alcalde, so pena de que se meta el, e arrastre de paso a uns cantos, ao calexón sen saída de crér que está por riba do Estado de Dereito polo mero feito de "tener la voluntad política" e de que un coro de fideles asalariados por el, alabe seguido as súas virtudes de caudillo.... e el as queira vender.

Pois nada, ánimo alcalde: agora só falta unha xuíza como a de Lugo. Non será porque vostede non chame por ela a berros e nós non lle adevertísemos.