O Hidria II, é noso

Os vigueses non podemos permitir que este anaco da nosa historia e patrimonio local, desapareza das nosas augas. Se así ocorre, seremos novamente responsables, como o fumos da desaparición do Campaláns, do Roberto, do Illas Ficas e de todos e cada un dos testemuños da nosa historia que a ignorancia e a especulación fixo desaparecer en todos estes anos.
O Hidria II debe ter un lugar destacado no noso Porto, para que poidamos contemplar cada día a súa preciosa liña e navegar co suavísimo toco toc da súa máquina de vapor de 1905. Non teño ningunha dúbida de que tal atractivo é infinitamente superior có da fonte multimedia da mesma Corina Porro que non é quen de atopar 30 metros de cómodo, permanente e accesible atraque para o Hidria II nos quilómetros de litoral que administra.

Como berraban os portuenses meses antes de conquerir rescatar o Coliseu de Oporto para a cidade: O Hidria II... é noso!

Que a sonora buguina de limpo fume branco do Hidra II, como a voz oceánica de Jacobo e Sesé, continúe a cantar polas ondas do mar de Vigo!