Para qué as Deputacións?

Se alguén dubidaba da utilidade das Deputacións, as manobras de Lou-Zan estes dias atrás deixan claro para que sirve. Exhibindo sen vergonza o súa arbitrariedade compromete os apoios dunha institución "democrática" para convencer a un independente aquí ou a un tránsfuga alá co obxectivo de consolidar o seu cerco desde o campo á cidade. Lou-Zan okupa o Pazo Provincial convertindoo de feito na sede do PP e empregando os nosos cartos reparte de acordo cos intereses electorais do seu partido e tamén dos seus propios obxectivos.

Certo é que conta co silenzo cómplice dunha oposición que usa as deputacións para premiar a concelleiros necesitados de complementos salariais e esa mesma oposición, cando é goberno, non fai nada moi diferente. Pero no caso do PP, cun discurso de "austeridade" e de "adelgazamiento da administración", o cinismo chega a extremos insoportables.
E agora, por se non chegara, andan a voltas cun novo xoguete cheo de cargos e dietas. Da área metropolitana no se discute en termos de organización do territorio. Nen se fala da evidente contradicción coa permanencia das Deputacións, que deberían perder competencias e orzamentos no camiño da súa desaparición. O que lles preocupa é quen vai dirixir a montaxe.
Como ven seguen a milleiros de kilómetros das preocupacións dos cidadáns que vemos amenazados os nosos dereitos á sanidade ou á educación mentres eles seguen metidos nas "súas guerras".