Hai que ir pensando noutros camiños

De acordo. Somos os culpables da crise e teremos, xa estamos a pagar por elo. Evidentemente non teríamos que ter comprado o piso sabendo que non íamos poder pagar a hipóteca. Polo visto Gayoso e Méndez tampouco o sabían pero eles siguen podendo pagar varias hipótecas.
Somo os que inflamos a burbulla inmobiliaria empeñados en pagar prezos descomunais cando o noso papel sería ter invertido en fondos de inversións australianos que compran Reganosas modificando asi a estructura productiva do pais. Claro que Touriño e Feijoo tampouco o sabían e gastaron e gastan cartos que non teñen para acabar o mausoleo de Fraga tamén coñecido como Cidade da cultura . Xusto cando a vil economía do ladrillo está en horas baixas unha morea de alcades e tenientes inventan a economia pública do... ladrillo.
Os vellos sempre miraron revirados ó da compra a prazos e nos veña a usar tarxetas de crédito e a financiar coches a cinco anos. Pero os nosos concellos, deputacións e mesmo o goberno non paran de pedir financiación a esa cousa chamada "mercados". E o caso é que os mercados funcionan de maneira que os cartos prestados levan un interese que imposibilita a cancelación da débeda. E así sempre estamos nas máns dos tales mercados que prestan para pagar os intereses do que prestaron antes. Resultado: algúns sempre estaremos no pufo.
E ainda falta o mellor: para incentivar a economía van impulsar a privatización dos servicios públicos. Ou sexa que en nome da eficacia van pedir prestados máis cartos para que "os mercados" podan seguir cobrando intereses aos nosos fillos a aos fillos dos nosos fillos.
A todo isto "os mercados" non son extraterrestres teñen nome e apelidos e razón social pero a que non adiviñan quen vai pagar todo isto? Efectivamente, nos.
Conviría ir pensando que asi non se soluciona nada. Hai outros camiños