MARCO, un gol da selección galega

A Conselleria de Cultura ven de confirmar a sua merma no apoio ó MARCO vigués e a non disposición a asumir o Museo do Mar de Galicia. Non , non vaian pensar que imos empezar coa canción da marxinación de Vigo. Para iso xa está Corina e a súa asociación de perennes afectadoseunonteñoaculpa.

A cousa está en ver cales van sendo as prioridades da Consellería de Cultura. E , polo momento, a Consellería do vigués Dominguez pon moito interés..na selección galega de futbol.
Hai que decir que o Concello tratou o tema das responsabilidades culturais na cidade nun sesudo debate donde a punto único foi: ¿quen ten que pagar os autobuses para levar ós patrióticos siareiros a San Lázaro? Ou sexa, se se trata dunha operación de imaxe da parte do goberno nacionalista o lóxico e que a pague a Consellería pero por se acaso hai acusacións de falla de galeguismo mellor sería facer un convenio e pagar a medias, ainda que ben pensado a selección galega é un sinal de identidade e toda Galicia (concellos, asociacións, caixas de aforro, constructoras) como un só siareiro debe apoiar.
Como ben é sabido na actualidade a montaxe das seleccións de futbol é un amplo negocio co que a FIFA proporciona unha cómoda vida a centos de directivos, organiza un espectaculo audiovisual do que viven as cadenas de televisión e radio, promociona viaxes, e permite que milleiros de xoves merquen camisetas a 60 euros. Tamén fomenta a competetividade, a agresividade e propoga esterótipos diversos. ¿É esa a cultura da nosa conselleria?
¿De verdade que prefiren pagarlle a Michel Salgado ou a Fernando Vazquez antes que subvencionar o MARCO?
E polo que toca ó Concello ¿por que non mellorar o equipamento da Casa da Xuventade en vez de subvencionar viaxes ? Sona a vello pero ¿é ou non é?